ՀԱԵ Բաղրամյան 18-ի համայնքը 2015թ.-ի վերջին ժամերն անցկացրեց եկեղեցում` տարեվերջյան պաշտամունք, փառաբանություն, Աստծո խոսքի պատգամ եւ հաղորդություն: Տարին ամփոփելու, ժամանակն արժեւորելու, եւ անցյալի սխալներից դասեր քաղելով աստվածչանաչության մեջ աճելու վերաբերյալ պատգամից հետո, հավատացյալները ճաշակեցին Մեր Տեր ու Փրկիչ Հիսուս Քրիստոսի մարմինն ու արյունը խորհրդանշող հացն ու գինին: Ամփոփիչ պաշտամունքից հետո, ներկաներին սպասում էին տոնական սեղաններն ու հյուրասիրությունը: Վերջին տարիներին ձեւավորված ավանդույթի համաձայն, ՀԱԵ հավատացյալներից շատերը, իրենց ընտանիքներով, Նոր Տարին դիմավորեցին եկեղեցում:
