Երեմիա 29.1-7                         Շաբաթ   |   Նոյեմբերի 23

Տիրոջն աղոթե՛ք, որովհետև նրա խաղաղությամբ ձեզ խաղաղություն կլինի։ Եր. 29.7

ԽԱՂԱՂՈՒԹՅԱՆ ԳՈՐԾԱԿԱԼ

2015 թվականին Կոլորադո նահանգի Կոլորադո Սփրինգս քաղաքի տեղական եկեղեցիները միավորվեցին, որպեսզի ծառայեն քաղաքի բնակիչներին: Այդպես ծնվեց քաղաքային ավետարանական մի շարժում, որում ընդգրկված քրիիստոնյա հավատացյալներն ամեն տարի աշնանը ներգրավվում էին քաղաքային աշխատանքերի մեջ՝ այդ կերպ ծառայելով համայնքին:

Մի քանի տարի առաջ ես ու երեխաներս՝ որպես այդ շարժման մասնակիցներ՝ մաքրում էինք քաղաքի կենտրոնում գտնվող տարրական դպրոցի բակը՝ հեռացնելով մոլախոտերը։ Մաքրելուն զուգահեռ՝ մենք իրականացրինք գեղարվեստական ​​մի նախագիծ՝ գունավոր պլաստիկ ժապավեններով զարդարելով դպրոցի ցանկապատը: Տեսարանը պարզ, բայց զարմանալիորեն գեղեցիկ էր:

Ամեն անգամ, երբ ես անցնում եմ դպրոցի կողքով, մեր համեստ արվեստի նախագիծն ինձ հիշեցնում է Երեմիա 29-ը. Աստված պատվիրեց Իր ժողովրդին բնակություն հաստատել և ծառայել այն քաղաքին, որտեղ նրանք գտնվում էին: Նա հրամայեց դա, թեև նրանք աքսորում էին գտնվում և չէին ուզում այնտեղ մնալ։

Մարգարեն ասաց. «Եվ այն քաղաքի խաղաղությո՛ւնը ցանկացեք, ուր որ ես ձեզ տարագրել եմ, և նրա համար Տիրոջն աղոթե՛ք, որովհետև նրա խաղաղությամբ ձեզ խաղաղություն կլինի» (հ. 7): Այստեղ «խաղաղություն» բառը եբրայերեն «շալոմ» բառն է։ Եվ այն ներառում է ամբողջականության և բարգավաճման գաղափարը, որը կարող է բերել միայն Աստծո բարությունն ու փրկագինը:

Զարմանալիորեն, Աստված հրավիրում է մեզնից յուրաքանչյուրին դառնալ խաղաղության Իր գործակալները հենց այնտեղ, որտեղ մենք ենք: Մենք հրավիրված ենք գեղեցկություն ստեղծելու մեր շուրջը ամենապարզ ձևերով:

Ինչպե՞ս կարող ենք օգտագործել մեր ժամանակը, տաղանդները և ռեսուրսները մեր համայնքին օգնելու համար:

Աղոթք – Հա՛յր, շնորհակալ եմ, որ ինձ հրավիրեցիր՝ լինելու Քո խաղաղության գործակալը, օգնի՛ր ինձ տեսնել և արձագանքել համայնքիս կարիքներին: Ամեն։

Աստվածաշունչը մեկ տարում      |       Եզեկիել 20-21, Հակոբոս 5