Երկուսը մեկից լավ է, որովհետև նրանք լավ վարձ ունեն իրենց տանջանքից։ Ժող. 4.9

ՀԶՈՐ ԱՋԱԿՑՈՒԹՅՈՒՆ ՔՐԻՍՏՈՍՈՎ

Լոնդոնյան մարաթոնի ընթացքում վազորդներից մեկը սեփական փորձով համոզվեց, որ մեծ գործերը միայնակ չեն արվում: Հաղթանակի հասնելու համար նա ամիսներ շարունակ տքնաջան աշխատել էր: Բայց մարաթոնի օրը, երբ ուժասպառ հասավ եզրագծին, հասկացավ, որ ոտքերն իրեն չեն ենթարկվում, և ուր որ է, կընկնի: Ու հենց այդ պահին մարաթոնի երկու այլ մասնակից բռնեցին նրա թևերից ու օգնեցին, որ ավարտի ընթացքը:

Ժողովողի հեղինակը հիշեցնում է մեզ կյանքի մրցավազքում մեզ հետ միասին վազող մարդկանց տված մի քանի կարևոր օգուտների մասին. «Երկուսը մեկից լավ է, որովհետև նրանք լավ վարձ ունեն իրենց տանջանքից» (Ժող. 4.9): Սողոմոնը, ձևակերպելով այս սկզբունքը, լույս է սփռում համատեղ ջանքերի և փոխադարձ աշխատանքի օգուտների վրա: Դժվար ժամերում, եթե մեկը վայր ընկնի, ապա մյուսն «իր ընկերոջը կկանգնեցնի» (հ. 10): Մութ և ցուրտ գիշերներին ընկերները կարող են տաքացնել միմյանց (հ. 11), իսկ վտանգի ժամանակ  պաշտպանվել հարձակվողից (հ. 12): Նրանք, ում կյանքերը միահյուսված են, կարող են մեծ ուժ ունենալ:

Մեր բոլոր թուլությունների և տկարությունների մեջ մենք մեր համայնքի աջակցության և ապահովության կարիքն ունենք: Եկե՛ք միասին ընթանանք՝ Տիրոջ առաջնորդությամբ:

Միաբանության մաս կազմելը կարևոր է, այն զորացնում և բարելավում է մեր հոգևոր կյանքը:

Աղոթք – Ողորմա՛ծ Աստված, շնորհակալ եմ, որ Քո համայնքի մի մասնիկն եմ: Ամեն։

Աստվածաշունչը մեկ տարում      |       Եզեկիել 11-13, Հակոբոս 1