Հաստատուն միտք ունեցողին Դու պահում ես կատարյալ խաղաղության մեջ, քանզի քեզ է հուսացել։ Եսայի 26.3 

ՄԵՐ ՎՍՏԱՀԵԼԻ ՀԱՅՐԸ

Իմ տղան՝ Խավիերը, հեշտությամբ օդ բարձրացրեց իր չարաճճի երեխային՝ Խարիանին: Նա իր ձեռքերի մեջ տեղավորեց որդու փոքրիկ ոտքերը՝ դրանք ամուր պահելով իր ափերի մեջ: Երկար ձեռքը երկարացնելով՝ նա խրախուսեց որդուն ինքնուրույն պահել հավասարակշռությունը, բայց ազատ ձեռքը պատրաստ էր պահելու թիկունքում՝ անհրաժեշտության դեպքում նրան բռնելու համար։ Խարիանը ձգեց ոտքերը և ուղիղ կանգնեց։ Լայն ժպիտով և ձեռքերը կողքերին դրած, նա աչքերը սևեռել էր հոր աչքերին:

Եսայի մարգարեն խոսեց մեր Երկնային Հոր վրա կենտրոնանալու օգուտների մասին. «Հաստատուն միտք ունեցողին Դու պահում ես կատարյալ խաղաղության մեջ, քանզի քեզ է հուսացել» (Եսայի 26.3): Նա կոչ արեց Աստծո ժողովրդին փնտրել Նրան Սուրբ Գրքում և միանալ Նրան՝ աղոթքի և երկրպագության միջոցով: Այս հավատարիմները ձեռք կբերեն վստահություն՝ կառուցված Հոր հետ իրենց հաստատած մտերմության հիմքի վրա:

Որպես Աստծո սիրելի զավակներ՝ մենք կարող ենք համարձակությամբ աղաղակել. «Հավիտյան Տիրո՛ջը վստահեք, որովհետև Տեր Աստված հավիտենական վեմ է» (հ. 4): Ինչո՞ւ։ Որովհետև մեր Երկնային Հայրը վստահելի է: Նա և Աստվածաշունչը երբեք չեն փոխվում:

Երբ մենք մեր հայացքը պահենք մեր Երկնային Հոր վրա, Նա կպահի մեր ոտքերը ամուր՝ արմատավորված Իր ձեռքերում: Մենք կարող ենք հույս դնել Նրա վրա, որովհետև Տերը սիրառատ, հավատարիմ և բարի է հավիտյան:

Ինչպե՞ս  կարող են Աստծո մասին մտքերը մեզ խաղաղություն տալ: 

Ամբողջ օրվա ընթացքում մեր կենտրոնացումը պահենք Նրա՛ վրա:

Աղոթք – Երկնայի՛ն Հայր, շնորհակալ եմ, որ գործածում ես Սուրբ Գիրքը՝ հիշեցնելու ինձ Քո անփոփոխ նկարագրի և հավերժական հավատարմության մասին: Ամեն։

Աստվածաշունչը մեկ տարում      |       Երեմիա 30-31, Փիլիմոն