Եփեսացիներին 6.10-18                                                          Երեքշաբթի   |   Հոկտեմբերի 1

Եվ Աստծու սպառազինությա՛մբ զգեստավորվեք, որպեսզի կարողանաք սատանայի հնարներին դիմադրել։ Եփես․ 6.11

ԱՍՏԾՈ ԿՈՂՄԻՑ ՏՐՎԱԾ ՊԱՇՏՊԱՆՈՒԹՅՈՒՆ

Ես և կինս ամեն տարի հեծանիվներով հարյուրավոր մղոններ ենք անցնում Արևմտյան Միչիգանի արահետներով: Ընթացքն ավելի տպավորիչ դարձնելու համար մենք գործածում ենք որոշ պարագաներ, որոնք կցում ենք հեծանիվներին: Սյուն ունի առջևի լույս, հետևի լույս, մղոնաչափ և հեծանիվների կողպեք: Իմ հեծանիվն ունի ջրի շշի հենակ: Իրականում, մենք կարող էինք հաջողությամբ վարել մեր երթուղին ամեն օր և հաղթահարել այդ բոլոր մղոնները՝ առանց որևէ լրացուցիչ պարագաների, դրանք օգտակար են, բայց ոչ պարտադիր:

Եփեսացիների գրքում Պողոս Առաքյալը խոսում է մեզ անհրաժեշտ այլ պարագաների մասին, բայց դրանք ընտրովի չեն: Նրա խոսքով՝ մենք պետք է «հագնենք» այս բաները, որպեսզի հաջողությամբ ապրենք մեր հավատքի կյանքը, որը հեշտ ճանապարհ չէ: Մենք պատերազմում ենք չարի դեմ, ուստի պետք է պատշաճ սպառազինություն ունենանք, որպեսզի կարողանանք «սատանայի հնարներին դիմադրել» (6.11):

Առանց Սուրբ Գրքի իմաստության, մենք կարող ենք գայթակղվել և սխալվել: Սակայն Քրիստոսի առաջնորդությամբ, մեր «մեջքը ճշմարտությամբ գոտևորած»՝ մենք կպաշտպանվենք ստից (հ. 14), պատրաստակամությամբ կքարոզենք «Խաղաղության Ավետարանը» (հ. 15) և  պաշտպանվելով հավատքի վահանով կկարողանանք «չարի բոլոր կրակոտ նետերը հանգցնել» (հ. 16): Իսկ «փրկության սաղավարտը և Հոգու սուրը» կրելով, որ Աստծու խոսքն է՝ կատարյալ պաշտպանված կլինենք (հ. 17):

Որքան կարևոր է քայլել կյանքի ճանապարհներով՝ պաշտպանված իրական վտանգներից։ Մենք պատրաստ կլինենք փորձություններին դեմ կանգնել, երբ «հագնենք» Աստծո տված սպառազինությունը:

Աղոթք – Սիրելի՛ Հայր, շնորհակալ եմ, որ Քո խոաքով հիշեցնում ես թե ինչպես կարող ենք դիմակայել սատանայի հարձակումներին։ Ամեն։

Աստծո սպառազինությամբ կարող ենք դիմագրավել մեր կյանքում հանդիպող փորձություններին։

Աստվածաշունչը մեկ տարում      |      Եսայի 11-13, Եփեսացիներին 4