Ա Թագավորների 28.3-10                                                                        Շաբաթ   |   Մայիսի 11

Ձեր խոսքը թող լինի "այո"-ն "այո", և "ոչ"-ը՝ "ոչ". սրանից ավելին չարից է։ Մատթ. 5.37

ՄՆԱԼՈՎ ՔՐԻՍՏՈՍԻ ՄԵՋ

Երբ Գանդալֆ Մոխրագույնը հանդիպեց Սարուման Սպիտակին, պարզ դարձավ, որ վերջինս երես է թեքել այն ամենից, ինչ պետք է աներ՝ օգնել պաշտպանել Միջին երկիրը չարի ուժից, որը Սաուրոնն է: Ավելին, Սարումանը դաշինք կնքեց Սաուրոնի հետ։ «Մատանիների տիրակալը» ֆիլմի այս տեսարանում, որը հիմնված է Թոլքինի դասական ստեղծագործության վրա, երկու նախկին ընկերներ մասնակցում են բարու և չարի էպիկական ճակատամարտի: Եթե ​​միայն Սարումանը հավատարիմ մնար և աներ այն, ինչ ճիշտ էր համարում։

Սավուղ թագավորը նույնպես դժվարություն ունեցավ շարունակելու իր ընտրած ճիշտ ուղին։ Աստվածաշնչում նկարագրվում է, որ «Սավուղն էլ երկրից վերացրել էր վհուկներին և գուշակներին» (հ․ 3)։ Սա դրական քայլ էր Սավուղի կողմից, քանի որ Աստված պատվիրել էր չհետևել այդ ազգերի գարշելի սովորույթներին, որովհետև այդ ամենը ընդունելի  հաճելի չէր Իր աչքին (Բ Օրենք 18.9-12): Բայց երբ Աստված չպատասխանեց թագավորի խնդրանքին՝ իր նախկին անհաջողությունների պատճառով, թե ինչպես վարվել փղշտացիների հսկայական բանակի հետ, Սավուղը նահանջեց՝ դիմելով վհուկ կնոջը (հ․ 7): Հակասությունն ահռելի էր: Սավուղը կրկին ձախողվեց, քանի որ նա դեմ գնաց իր իսկ հրամանին, ինչը նա գիտեր, որ ճիշտ էր:

Հազար տարի անց Հիսուսն ասաց Իր աշակերտներին. «Ձեր խոսքը թող լինի "այո"-ն "այո", և "ոչ"-ը՝ "ոչ". սրանից ավելին չարից է» (Մատթ. 5.37): Այլ կերպ ասած, եթե մենք հավատարիմ ենք Քրիստոսին հնազանդվելու մեջ, շատ կարևոր է պահել մեր ուխտը և լինել ճշմարտացի: Եկեք հավատարիմ մնանք այն ընթացքին, որ Աստված է ուղղորդում:

Աղոթք – Սիրելի՛ Հիսուս, խնդրում եմ՝ օգնի՛ր ինձ հավատարմորեն ընթանալ քո ճշմարիտ շավիղներով: Ամեն։

Ի՞նչն է օգնում ձեզ պահել ձեր ուխտը: Ինչո՞ւ է այդքան կարևոր ճշմարտացի մնալը:

Աստվածաշունչը մեկ տարում      |      Դ Թագավորների 13-14, Հովհաննես 2