Առակներ 11.1-11                                                                                Երկուշաբթի   |   Ապրիլի 8

Արդարների հաջողակությամբ քաղաքը կհրճվի: Առ. 11.10

ՀՐՃՎԱՆՔ ՔԱՂԱՔԻ ՄԵՋ

Երբ Ֆրանսիան և Արգենտինան հանդիպեցին 2022 թվականի Ֆուտբոլի աշխարհի առաջնության եզրափակչում, դա անհավանական մրցավեճ էր, որը շատերն անվանեցին «Աշխարհի առաջնության պատմության մեջ ամենամեծ խաղը»: Լրացուցիչ ժամանակում վերջնաժամկետների ավարտից հետո հաշիվը հավասարվեց 3-3՝ ֆուտբոլային թիմերին ուղարկելով 11 մետրանոց հարվածների: Այն բանից հետո, երբ Արգենտինան խփեց հաղթական գոլը, ժողովուրդը խանդավառվեց: Ավելի քան մեկ միլիոն արգենտինացի ողողել էր Բուենոս Այրեսի կենտրոնը: Անօդաչու թռչող սարքի կադրերը տարածվել էին սոցիալական ցանցերում՝ ցուցադրելով այս աղմկոտ, ուրախ տեսարանը: BBC-ի զեկույցներից մեկում նկարագրված է, թե ինչպես էր քաղաքը ցնցվել «ուրախության պայթյունից»։

Ուրախությունը միշտ հիանալի պարգև է: Առակների գիրքը, սակայն, նկարագրում է, թե ինչպես քաղաքը, ժողովուրդը կարող են ուրախության փորձառություն ունենալ, որն ավելի խորը և երկարատև է։ «Արդարների հաջողակությամբ քաղաքը կհրճվի» (h. 11.10): Երբ նրանք, ովքեր իսկապես ապրում են մարդկության համար Աստծո ծրագրերով, սկսում են ազդել համայնքի վրա․ սա խոսում է այն մասին, որ Աստծո արդարությունն է տիրում այնտեղ: Ագահությունը նվազում է. աղքատները աջակցություն են գտնում։ Ճնշվածները պաշտպանված են։ Ամեն անգամ, երբ Աստծո կամքին համեմատ ճիշտ ապրելակերպը ծաղկում է, քաղաքում ուրախություն և «օրհնություն» է տիրում (հ. 11):

Եթե մենք իսկապես քայլենք Աստծո ճշմարիտ շավիղներով, ապա արդյունքը դրական կլինի բոլորի համար: Մեր ճիշտ ապրելակերպը կնպաստի համայնքի ավելի լավն ու ամբողջական լինելուն: Աստված հրավիրում է մեզ մասնակից դառնալ աշխարհը բուժելու Իր աշխատանքին: Նա մեզ հրավիրում է ուրախություն և հրճվանք բերելու քաղաքին։

Աղոթք - Սիրելի՜ Հայր, խնդրում եմ՝ օգնի՛ր ինձ միանալ Քեզ՝ ուրախություն պատճառելով ուրիշներին: Ամեն։

Ձեր քաղաքում որտե՞ղ եք տեսնում ուրախության անհրաժեշտությունը: Ինչպե՞ս կարող եք այնտեղ բերել Աստծո ուրախությունը:

Աստվածաշունչը մեկ տարում      |      Ա Թագավորների 10-12   Ղուկաս 9.37-62