Ապրիլի 29-ին, Ստեփանավանի Հայաստանյայց Ավետարանական եկեղեցում, տեղի ունեցավ պատանեկան համագումար, որին մասնակցեցին ՀԱԵ 100-ից ավելի պատանիներ Վանաձորից, Իջևանից, Շիրակամուտից, Ալավերդուց և Ստեփանավանից: Համագումարի նպատակը Աստծուն միասնաբար փառաբանելն ու պատանիների միջեւ մտերմիկ մթնոլորտ ստեղծելն էր: ՀԱԵ քրիստոնեական դաստիարակության պատասխանատու՝ Վեր. Ալբերտ Փայտյանը խոսեց աղոթքի կարեւորության եւ այն կյանք դարձնելու մասին: Առաջնորդների ջանքերով, հյուրասիրությունից բացի, հատուկ մտածված ժամանցը՝ խաղեր, բեմադրություն, վկայություններ, երգեր և այլ հետաքրքիր նախաձեռնություններ, համագումարն ավելի հետաքրքիր ու ջերմ դարձրեցին: Տարբեր քաղաքների պատանիները մտերմանալու առիթ ունեցան, նոր ընկերներ ձեռքբերեցին եւ բաժանվեցին միմյանցից կրկին հանդիպելու մեծ սպասումով:
