.
Հայաստանյայց Ավետարանական եկեղեցին Վանաձորում

ԵԿԵՂԵՑՈՒ ՀԱՄԱՌՈՏ ՊԱՏՄՈՒԹՅՈՒՆԸ

Հայաստանյայց Ավետարանական եկեղեցին Վանաձորում ծառայությունը սկսել է տնային պայմաններում: 1992 թ.-ից գործել է վարձակալած տարածքում: Այդ տարիներից սկսած՝ ԱՀԱԸ-ի աջակցությամբ ակտիվ է ՀԱԵ քրիստոնեական դաստիարակության բաժինը: Վանաձորի տարբեր թաղամասերում տևական ժամանակ ՔԴ ծառայություններ ու բակային ճամբարներ էին կազմակերպվում:

2001 թ.-ին տեղի ունեցավ եկեղեցաշենքի հիմնարկեքը, իսկ 2004 թ.-ի  մայիսի 30-ին՝ պաշտոնական բացումը, որի ժամանակ ձեռնադրվեց եկեղեցու գործունեության սկզբից այն հովված Սամվել Կիրակոսյանը:  ՀԱԵ-ն Վանաձորում ակտիվ ու նվիրված ծառայողներ եւ համայնք ունի: Եկեղեցին իր գործունեության տարիներին 4 հովիվ է ունեցել՝ հիմնադիր հովիվ վեր. Սամվել Կիրակոսյանը (1992-2015թթ.), վեր. Գառնիկ Թութիկյանը (2015թ.-ի փետրվարից մինչև սեպտեմբեր), վեր. Գևորգ Գասպարյանը (2015-2021թթ): 2021թ.-ի մայիսի 9-ից եկեղեցին հովվում է այդ համայնքում իր հոգևոր ծնունդն առած ու մեծացած վեր. Վարդան Ափինյանը:

 

ՀՈՎՎԻ ԿԵՆՍԱԳՐՈՒԹՅՈՒՆԸ

 

 Ծնվել է 1983 թ. հունվարի 27-ին, Վանաձորում: Մանուկ հասակից Վանաձորի Հայաստանյայց Ավետարանական եկեղեցու կիրակնօրյա և պատանյաց խմբերի ակտիվ սաներից է եղել, այնուհետև՝ դարձել աշակերտաց խմբի մասնակից, որին զուգահեռ նաև փոքրիկ ծառայություններ է իրականացրել: Հայկական Զինված ուժերում պարտադիր զինվորական ծառայությունից հետո անցել է ՀԱԵ առաջնորդների համար նախատեսված դասընթացներն ու սկսել ծառայություն ինչպես ՔԴ, այնպես էլ եկեղեցական այլ ոլորտներում: 2005-2007 թվականներին սովորել է Հայ Ավետարանական Աստվածաբանական ակադեմիայի ՔԴ բաժնում: Այդ ընթացքում ու դրանից հետո՝ մինչև  2013 թ.-ը եղել է հովվի օգնական ինչպես Վանաձորի, այնպես էլ Շիրակամուտի եկեղեցիներում։ 2013 թ.ին ստացել է քարոզչության արտոնություն ու պատվելիի կոչում և ստանձնել է Շիրակամուտի ՀԱԵ հովվի ծառայությունը: 2018 թվականին ձեռնադրվել է և տեղափոխվել Արցախ, որտեղի ՀԱԵ հոգևոր հովիվն էր մինչև 2020 թ.-ի դեկտեմբերը։  2021 թ.-ի մայիսի 9-ից ՀԱԵ Վանաձորի հոգևոր հովիվն է:  Եղել է նաև «Շողիկ» և «Պետրոսյան» ճամբարների մանկական ծառայությունների տնօրենի պաշտոնում: Ամուսնացած է, ունի երկու տղա և մեկ աղջիկ։

 

 

ԵԿԵՂԵՑՈՒ ԾԱՌԱՅՈՒԹՅՈՒՆՆԵՐԻ ԳՐԱՖԻԿ

 

ՕՐ ԺԱՄ ԾԱՌԱՅՈՒԹՅՈՒՆ

Երկուշաբթի

17:00 Աստվածաշնչի սերտողություն

Չորեքշաբթի

 

16:00

17:00

Տիկնանց ծառայություն

Աղոթաժողով

Շաբաթ

14:00 

15:00

16:00

17:00

Կրտսեր խմբի մանուկների ծառայություն

Թատերական խմբակ

Նախաամուսնական խորհրդատվություն

Երիտասարդաց 

Կիրակի  

11:00 

13:00

14:30

16:00

Ընդհանրական պաշտամունք

Մանկական ծառայություն 

Թատերական խմբակ 

Պատանյաց

 

 

Նախորդ
...
X